ప్రకృతి.......

తెలవారి జామున ముంగిట వీస్తున్న పిల్లగాలి, నా కురులు సవరించు నీ చేతి స్పర్శ లా ఉంటుంది......
వర్షించి అలసిన మేఘం రవికాంతుని  కౌగిలిలో కర్పూరంలా కరిగిపోతున్నట్టు కనిపిస్తుంది..

వసంతాన సన్నగా కూస్తున్న కోకిల గానం...నీ పిలుపులాగానే పరిమళిస్తోంది... 

అల్లంత దూరాన కనిపిస్తున్న గగనం భువనం, నా నుదుటన నీ అధరాలు చుంబించినట్టుంది..

తెరలు తెరలు గా పడుతున్న మంచువాన , మల్లె దారులు కడుతున్నట్టు మనోహర దృశ్య కావ్యం అవుతుంది..

చిగురు టెండ కి  పచ్చని గడ్డి పై హిమబిందువులు ముత్యాల వాన కురిసినట్టు మురిపిస్తూ ఉంటుంది...