నీ వాలు కన్నులతో నను మరిపించి,
నీ చిలిపి నవ్వుతో నను మురిపించి,
కనుమరుగయ్యావా ప్రియతమా!
పగలు రేయి కలవని పూట,
కడలి అలలు కలసిన చోట,
నీ రాక కోసం వేచి ఉన్నా!
నీ మోము నీలి తామరం, స్వర్గసౌందర్యం,
నీ పలుకు వేణునాదం, సత్యసంగీతం.
నీ పిలుపు కోసం పరితపిస్తున్నా!
నీ ప్రేమ ని దాచుకున్న నా హృదయం దేవాలయం,
నీ రూపు గాంచిన నా కంటి లావణ్యం కమనీయం,
నా శ్వాసలో శ్వాసై నా దరి చేరవా!
కదిలెనా ఉత్తరాన వెలసిన ధృవనక్షత్రం,
కరిగెనా నిలువెత్తుగ నిలిచిన హిమాలయం,
ఈ జన్మకైనా మరు జన్మనైనా, నిను నే మరువగలనా?
No comments:
Post a Comment